Bmeitxh

Сьцяўа
Поўная назва	Fotbal Club Steaua Bucureşti
Заснаваны	7 чэрвеня 1947
Горад	Бухарэст, Румынія
Стадыён	Нацыянальны Умяшчальнасьць: 55 634
Галоўны трэнэр	Нікалаэ Дыкэ
Чэмпіянат	Ліга 1
· 2018—2019	2 месца
Афіцыйны сайт

«Сьцяўа» (па-румынску: Steaua) — румынскі футбольны клюб з гораду Бухарэсту. Заснаваны ў 1947 годзе. Клюб зьяўляецца найбольш пасьпяховым сярод румынскіх клюбаў ня толькі ў айчынным першынстве, маючы на сваім рахунку 26 перамог, але й на эўрапейскіх спаборніцтвах. «Сьцяўа» стала першай усходнеэўрапейскай камандай, якая здолела перамагчы ў Кубку эўрапейскіх чэмпіёнаў, зрабіўшы гэтае ў 1986 годзе. У сэзоне 1988—1989 гадоў «Сьцяўа» зноўку дайшла да фіналу прэстыжнага эўрапейскага клюбу, але атрымала паразу ад італьянскага «Міляну». На рухунку клюбу таксама маюцца 22 перамогі ў Кубку Румыніі і 6 перамог у Супэркубку Румыніі, а таксама аднойчы клюб стаў пераможцам Кубка лігі Румыніі.

Клюб гістарычна вядомы як спартовы клюб румынскага войска. Аднак яшчэ ў 1998 годзе клюб аддзяліўся ад войска, стаўшы незалежным. На дадзены момант адзінай прамой спасылкай на войска зьяўляецца стадыён «Нацыянальны», які знаходзіцца ва ўласнасьці Міністэрства нацыянальнай абароны.

«Сьцяўа» ўсю сваю гісторыю праводзіць у наймацнейшым дывізіёне чэмпіянату Румыніі, толькі пяць разоў скончыўшы сэзон на месцы ніжэйшым за шостае. Першапачаткова клюб гуляў у колерах румынскага трыкалёру, то бок сінім, жоўтым і чырвоным, але неўзабаве жоўты страціў сваё значэньне, і каманда стала асацыявацца з чырвоным і сінім колерам. Аднак у апошнія часы на новай форме клюбу пачаў зноўку выкарыстоўвацца жоўты колер.

Клюб мае даўняе суперніцтва з бухарэсцкім «Дынама», матчы паміж якімі звычайна называюць «Адвечным дэрбі» або «Румынскім дэрбі».

Склад[рэдагаваць | рэдагаваць крыніцу]

Актуальны на 18 сьнежня 2017 году

№ Пазыцыя Імя Год нараджэньня 1 Бр Флорын Ніцэ 1987 2 Аб Рамарыё Бэнзар 1992 3 Аб Ёнуц Ларые 1987 4 Аб Міхай Бэлаша 1995 5 ПА Міхай Пінтылі 1984 6 ПА Драгаш Нэдэлку 1997 7 Нап Дэніс Алібэк 1991 8 ПА Лучыян Філіп 1997 9 Нап Арлем Ньяэрэ 1988 10 Нап Флорын Тэнасэ 1994 11 Нап Канстантын Будэску 1989 12 Аб Жуніёр Мараіс 1986 13 Аб Марыян Пляшкэ 1990

№ Пазыцыя Імя Год нараджэньня 15 Аб Марка Момчылавіч 1987 16 Аб Богдан Планіч 1992 17 Нап Фларынэл Коман 1998 19 Аб Артур Жоржы 1994 20 ПА Улад Акім 1989 23 ПА Авідыю Папэску 1994 26 Нап Даніел Бэнзар 1997 29 ПА Віліям Дэ Амарым 1991 33 Бр Эдуард Стэнчою 1981 44 ПА Габрыел Энаке 1990 80 ПА Філіпэ Тэйшэйра 1980 98 Нап Дэніс Ман 1998 99 Бр Андрэй Улад 1999

Вонкавыя спасылкі[рэдагаваць | рэдагаваць крыніцу]

Сьцяўа Бухарэст — сховішча мультымэдыйных матэрыялаў

• Афіцыйны сайт