Necropoli de Chiza Ooтĕ QqG NnhWwLт el ac1 Mm heion en Ggн
A necropoli de Chiza se troba en l'altiplán de Chiza, en a redolada d'o Caire, en Echipto. En ista necropoli de l'antigo Echipto se construyó a piramide de Kheops, tamién conoixita como a Gran Piramide, a piramide de Kefren y a relativament chicota piramide de Micerín, chunto con quantas piramides subsidiarias menors, templos funerarios y a Gran Esfinche.
D'as tres piramides prencipals se conserva o suyo nuclio, formato por bloques de piedra calsinera, pero d'a suya crosta, de calsinera polita u granito rosato, nomás en quedan bellas restas, ya que istos bloques s'emplegoron ta construir edificios en a vecina ciudat d'o Caire. A piramide de Kefren pareixe a mas alta, pero ye debito a que se construyó sobre una zona más elevata en l'altiplán de Chiza; en realidat ye a de Kheops a de mayor altaria y volumen.
A necropoli de Chiza ye a más gran de l'Antigo Echipto, con sepolturas que datan d'as primeras dinastías. A fins d'o Imperio Antigo, mientres a seisena Dinastía bi heba en Chiza bells quantos centenars de sepolturas. Gosó tener o suyo maximo explendor mientres a quatrena Dinastía, quan se construyoron a piramide de Jufu (Kheops), a piramide de Jafra (Kefren) y a relativament chicota piramide de Menkaura (Mizerín), chunto con diversas subsidiarias menors, templos funerarios, templos d'a val, embarcadors, calzatas procesionals y fuesas contenindo barcas solars ceremonials. Tamién se esculpió en a roca de l'altiplán a Gran Esfinche. Asociatos a istos molimentos reyals se troban numerosas mastabas de miembros d'a familia reyal, atras conceditas por o faraón a funcionarios y sacerdotz, y bells molimentos d'epocas posteriors relacionatos con o culto a los devantpasatos.
A Gran Piramide yera considerata en l'antigüidat una d'as Siete Marabillas d'o Mundo, y ye a sola d'as siet que encara existe. En 1979, o conchunto de Menfis con as suyas necropolis y piramides (Chiza, Abusir al-Melek, Saqqara y Dashur) fue declarato Patrimonio d'a Humanidat por a UNESCO, con o nombre de Menfis y a suya necropoli, a zona d'as piramides dende Chiza dica Dahshur. Ye catalogata como un patrimonio de tipo cultural.[1]
Referencias[editar | editar código]
- ↑ Criterios I, III, VI, con o numero d'identificación 86
Vinclos externos[editar | editar código]
Se veigan as imáchens de Commons sobre Necropoli de Chiza.
Se veigan as imáchens de Commons sobre Necropoli de Chiza.