Republica de Weimar9isl M89ApliodeasV;onivlit1&#;X
| Republica de Weimar | |||
|
|||
| Hymno: Das Lied der Deutschen | |||
|
|||
| Linguas official | germano | ||
|---|---|---|---|
| Capital | Berlin | ||
| Area | 468 787 Kilometro quadrate | ||
| Moneta | German Papiermark[*], German Rentenmark[*], Reichsmark[*] | ||
| Wikimedia Commons Category Weimar Republic | |||
Le Republica de Weimar esseva le regime politic e, pro extension, le periodo historic que habeva loco in Germania depost su deroute in finalisar le Prime Guerra Mundial. Illo se extendeva inter le annos 1919 e 1933. Le nomine currente del regime deriva de cello del citate de Weimar in le actual Thuringia, ubi conveniva le assemblea constitutional que establiva le nove constitution del Germania in 1919.
Le republica nasceva in le chaos que succedeva al Prime Guerra Mundial. Iste momento historic videva le fin del vetule casas royal, un tractato de pace disastrose pro le militares german, perdita de territorios, dislocation economic (includente disoccupation massive e hyperinflation), e agitation communista revolutionari. Le duo presidentes del republica esseva Friedrich Ebert (1918-1925) e Paul von Hindenburg (1925-1933). Ebert esseva un social-democrate qui voleva establir le nove institutiones republican e un systema economic mixte. Le morte de Ebert, e su reimplaciamento per le conservator monarchista Hindenburg, marca un ruptura importante in le historia del Germania republican.
Durante le dece-quatro annos del republica, il habeva un succession de 14 governamentos pauc stabile e 9 electiones national. Un cancellero, Gustav Stresemann, ganiava un Premio Nobel pro Labor Pacific in 1926 post obtener le admission de Germania in le Societate de Nationes e promover le pace con Francia. Il habeva un floration cultural durante le annos 1920, con architectura Bauhaus, arte expressionista, musica jazz e cabarets.
In le ultime election democratic del republica, le partito national-socialista de Adolf Hitler ganiava le plus importante proportion del suffragios. Le influentia del dextera extreme habeva multo crescite depost le Grande Depression. On criticava le republica pro non haber arrangiate le economia, permitter le debilitation del fortias armate german (includente le demilitarisation del Rhenania), e non opponer effectivemente le communismo. Le dextera extreme promoveva anque un ideologia racista e antisemitic pro explicar lo que illes describeva como le debilitate contemporanee e le victoria futur del «racia aryan» incarnate in Germania.
Le Republica de Weimar terminava de facto in 1933, ben que le constitution de 1919 non esseva revocate usque le fin del Secunde Guerra Mundial. Le triumpho de Adolf Hitler e le cambiamentos social e institutional del nazismo (Gleichschaltung) habeva supplantate le republica multo antea, instaurante le denominate Tertie Imperio German. Le transition inter le adyname democratia republican e le totalitarismo unipartite esseva incremental e plus o minus legal.
f lympllt Pc348titu06AaO lj Dxta Ii i#4 n o P234ch;